ما بعدها روح - محمد المفضلي

لي مدةً وأنا عاجز عن البوح
ما عاد لي قدره على حث الأقلام

مشتت الأفكار من وين ما أروح
نسيت شكل الحرف وأعد الأرقام

حالي نحل والحال ما هو بمصلوح
من عقبهم والله ما صار ينلام

هم فارقوا ما دروا عن قلبي المذبوح
اللي غدا في حبهم ضحية الأيام

والخاطر المكسور بالحيل مجروح
عايش سجين الهم معشوق الأوهام

أنا أشهد أن الروح ما بعدها روح
راح المحب واستشهدت كل الأحلام

© 2023 - موقع الشعر