الناس بعدها ماهي ب حيه - الادهم بن سعد

غابت وبعدها العالم كله غاب
كأن الناس بعدها ماهي ب حيه

ياكثر اعشقها والعشق دوم غلاب
يسري بعروقي ويا دمي خويه

مالقيت مثلها في بعد واقراب
ولو لفيت العالم روحه وجيه

شموخ ودلال وجمال كحيل الاهداب
تقصر في وصفها كلمة وفيه

غابت ولا ادري والله وايش الاسباب
وايش سويت لجل تخليني ضحيه

الروح لرضاها برخص التراب
بس تعلمني وايش جاها مني خطيه

غابت وقفلت بوجهي كل الابواب
طفل ضايع عن امه و بيه

غابت والصبر مل فيني وشاب
والدمع نزف ماعاد فيه بقيه

سألت عنها طيور السما والسحاب
ونجوم الليل والجان والادميه

لين لقيت بين حناياهم جواب
هون عليه صدمتي القويه

رديت بابتسامه على ذاك الجواب
ماتت... وماكانت لحبك عصيه

© 2024 - موقع الشعر