بِلا دولة !!

ضَايع بَلا دولة ولا حق مشروع
تدفنّي الغربه وتمحي حقوقي

أصبحت للكُتاب فكره وموضوع
وعلّيت للشَمّات لايح بروقي

كني مثل غصنٍ إذا صار منزوع
ما عاد يلمع في آوان الشروقي

نار الفكر تآكل من البال مزروع
تاصلني الحرّه وتبدا حروقي

لّبيت لَلافكار بسيوف ودروع
وشافوا من الصولات مالا يروقي

أبيات هاجت كنّها شخص مصروع
سوقي من الواقع على الناس سوقي

(نكبه) و(نكسه) بين صرخات ودموع
صوت القنابل هز تحتي وفوقي

أطفالنا تحبي من الفقْر والجوع
أبطالنا للموت دايم تتوقي

فينا حضاره قامت بحيل مدفوع
يجري بَهَا التاريخ بأقدم عروقي

شافت (خليل الله)و(عيسى) ومرفوع
فيها (أبا القاسم)و(بالعز) طوقي

كنت الوَتَد فالأرض واليوم مخلوع
في خيمة النسيان مرسى خفوقي

يالمسجد الاقصى انا منْك ممنوع
تدري على شوفْتك يا زود شوقي

يالمسجد الاقصى انا فيك موجوع
والجرح نايم ما أظنّه يفوقي

صارخت (بالفزعه) على صوت مسموع
جاهرت (بالدمعه) ولا به فروقي

لكن أنا ضايع بَلا دار وربوع
ذوقي مَرار الهم يا نفسْ ذوقي