قالو تمنى قلت بيت بتبة - طلال بن نشار

قالو تمنى قلت بيت بتبة
بيت الشعر ماهوب بيت الخرابي

بحزم رفاع بين حايل وجبة
من دونها تزمي صروح السرابي

ماحولك الا مبعدات الاحبة
غزايزا من وقت جدي مرابي

ونارحطبها يدهر يوم أشبة
ادلالها تشدي لروس الحرابي

وبنت بدوي بالغلاء مستلبة
ترعي غنمها في سفوح الهضابي

هذا مناية وكل قلب وطبة
وهاماتنا طالت فلول السحابي

وبعض الاوادم من علومة نكبة
ينعق مثل طيرا يسمى الغرابي

ياصبر الارض الي عليها مهبة
جعلة عقيم ومثل شرواه هابي

© 2022 - موقع الشعر