مقادير .. تجيب الراس أرضا

ليامن بارق الأشواق نضّا
وقلبي في هوى الخلان جضّا

جنون البعد .. مقبرة الهواوي
كأن الصدر به عبوة تشظّى

طلبت الزين وصله وابتلاني
بهجرن يقلب أهل الحب مرضى

وحبست الجمر يكوي لي حشايا
بيومن صدّ .. كنّه ما ترضّى

تأملت الشفا من جور هجرن
ولكن قاسي وقتي وفظّا

دواليب الزمن فرّت عجولة
تجمّع أوفر الخلان حظّا

لمحته والعيون لها سوالف
بسوق والاوادم به تقضّى

بكى من جور حظه والندامة
وتلّ الإصبع بنابه وعظّا

وفيّض من رخيص الدمع عينه
لو اني حالفن منه اتوضّا

وانا لى شفتها بالصدر ثارت
براكين ورا ضلعي تلظّى

جبال مع جبال ما تلاقى
وحدّ الوقت بين الناس أمضى

-لك الله- لو فتحت الصدر تلقى
بقلبي من بعادك ألف رضّا

تذكر ما مضى لي من دموعي
مقاديرن .. تجيب الراس أرضا