الهيمنه والإنصياع - أحمد العولقي

يآصآحبي ماني من الي عاشر اصحابه وباع
ولا كنت من باعد بعز الاحتياج كفوفنا

طبعي إذا عاشرت ما علّيت رآيه للوداع
أصون عشرتنا إلين يموت منهو يشوفنا

لميت بالنيه غلا .. ساءت علاقتنا وضاع
ضيعته انته ولا تحط العذر سوء ظروفنا

مآدمت ما عزّيتني وذوّقتني مُرَّ القطاع
والله ما أشره على منهو نسى معروفنا

مآظن جيتك مصلحه متفنن بلبس القناع
جيتك وحلمي تلتقي بيض النوايا بجوفنا

وانته منافق .. ممتلي قلبك خداعٍ × خداع
وما عاد مثلك يستحق بالإحترام وقوفنا

أرفض مفاهيم الرجا وارفض مبادي الاتبّاع
ما اركض ورا المقفي وذي ماهي ترا بوصوفنا

شطرين باقي وبعدها ف الحكي ماله أي داع
شعري وانا مع خافقي بنعزّ عنْك حروفنا

في عرفنا ما تتفق الهيمنه والإنصياع
منهو اشترانا نشتريه ونعاف منهو يعوفنا

© 2024 - موقع الشعر