صورتك تشكي

في عيونك شفت حزن الكون يبكي
كل حزني شفته بنجلا عيونك
.
شفتها نظرة حزينة ترتكبكي
غصّة اعماقك و تنهيدة شجونك
.
كسّرت عيني دموعي من سببكي
من ملامح صورتك بانت طعونك
.
صورتك تشكي وانا من قلبي اشكي
خانني وقتي و وقتك لك يخونك
.
صورتك تحكي عناك اللي سلبكي
من حياتك والكدر كونك و لونك
.
تشكي و أشكي عنى الوجد و تعبكي
دمعتي تمطر و دمعك ينزفونك
.
ارتشفني حزني و حزنك شربكي
دمعتي ترشف و دمعك يرشفونك
.
دمعتك شبّت شجوني في حطبكي
والحزن دندن على عمري لحونك
.
والتهب قلبي على صالي لهبكي
واستوت روحي وفكري يرسمونك
.
فاحت اعماقي و تفكري سكبكي
والتوى فكري على ورقى غصونك
.
من سببكي زادت احزاني و ربكي
يا عسى الفرحة تربع في شجونك
.
أسعدي واستبشري وانسي عتبكي
باكر المولى يبدلها حزونك
.
يبهج اوقاتك يحقق لك طلبكي
والسعادة تمتلي داخل عيونك