ثلاثة سنين راحت ؟! - دلان بن مساعد

هب الهوىٰ مير وين العشق وداني !
ماكنت احسب الهوىٰ تطوّل مشاويره

وحظي معك دوم ضحكني و بكاني
تعال يا حبي اللي ما أبي غيره

كنت اكتبك بالقصيد وطاب قيفاني
و الشعر فيك انت يا محلا تعابيره

ثلاثة اسنين راحت كيف تنساني !؟
وتسعة شهورٍ معاها يالله الخيره

راحت سنين العمر من عمرنا الفاني
وش باقين لو بقىٰ ما فاد تذكيره !

و اليوم برق الغلا اقفا و خلاني !
وحيد لكن .. جبل ما جاه تأثيره

ثابت و لو جييّت .. دورني وتلقاني
ماضاق قلبي و لا بالي بتفكيره

العمر واحد و لو فيّه العمر ثاني
انسىٰ غرامه معي لو زاد تبريره

من باعنا بالرخيص البيع مجاني
و من يشتري وصلنا بصون تقديره

و الشعر لو اكتبه بحساس و لساني
ماهان شعري و قيفاني و تعبيره

وابن مطير .. المسمى جر الالحاني
ومن يوم جر اللحن جتني تباشيره

راحت سنين العمر من عمرنا الفاني
وش باقين لو بقىٰ ما فاد تذكيره !

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر