من صام

من صام دون الصلاة فلا هو مثابي
لو يبس ريقه ولجّت بالدعا أمه

شكواي للي مادونه سور وحجابي
يوم ان بعض الخلايق دونها أمه

رفعت كف الخضوع وكثرت اسبابي
منك الفرج غيث للي فاض به همه

يارب ضاق الوسيع وضاقت ثيابي
من كل صوبٍ وصوب تجيني مطمه

انا وحيدٍ ولو أٌحسد على اقرابي
لو قيل سعد الذي وهيبٍ بني عمّه

في ذمتي من نخاهم يوم ما خابي
بيضان الافعال ويل العايل وسمّه

لكّن همّي مابين الضرس والنابي
افضل الصمت واهجي البوح واذمّه

من لا اشتكى للخلايق ماهو معابي
العيب فاللي لسانه ماسكن فمّه