راعي محل

جيتك وقلبي يسآآبق خطوتي يالرياض
من يوم شووقي برى حآآلي وجسمي نحل

أعزف موآويل..واجمع لك ورود الفيآض
أحسب حبيبي بيبقى فيك رآآعي محل

ولاانكسر خآطري والدمع حوّل وفآض
ألآ بعد قآلوآ ..محمد ؟؟ حبيبك رحل

رحل..؟؟ وأنآ جيت اسوق خطآي على افترآض
يضم في الحضن محبوبه متى مايحل

لكن مالي على مالله كتبه اعترآآض
بآقي امل لو يطول بك البطآ..ماأضمحل

ياأقرب إلى القلب من نبض العروق الغلاض
وأبعد عن ايدي من الزهرة وكوكب زحل

يكفيني آشوفك بعيني سحآبة بيآض
وأكوون لعيوونك (ا)مفكّر وشآعر فحل

وأشوف لك وين ماطآريك له برق نآض
ذكرى تجدد ربيع القلب عقب المحل

هنآ صورك.. ورسآيلك الطوال العراض
هنآ سوآرك ..وعقد لعآآتقك مستحل

هنآ من انفآسك العطر استحى..واستغآآض
هنآ انتثر دمع من عينك وسيّل كحل

هنآ همست (إ)لك" شهد النحل طب المرآض"
وأنآ مريض..وبحمر شفآآك شهد النحل

هنآ هنآ ..وإخنقتني عبرتي..واستهآض
حزني ..وأنآ أندب لحظٍ من عرفته ضحل

وآعآتب أحلام ورْدَت للمنآآيا حيآآض
وأصرخ بصوتٍ صدآه لوصلهآ مابحل

هزّي بجذع الرجآء لاحآن وقت المخآض
يسقط رطب في يدك ملّ احتضآن الوحل

وألا أنت يانور عيني لو تركت الريآآض
تبقى بقلبي يانبض القلب رآآعي محل