من محبتنا لكم .. جينا محلٍ عامر

من محبتنا لكم .. جينا محلٍ عامر
بالكرم والطيب وفعول الرجال امشيّد

ابن مرهب ما دعاني .. ابن مرهب يامر
قال شغّل موترك يابن الحلال وسيّد!!

وفي غمارة كامري .. ما تشبه الكوامر
كنها تملي عليّه كلمتي وأقيّد

ياسلام الله .. على لاد المراجل نامر
كاسبين ونعم .. لا بان الردي والجيّد

أنتم أسيادٍ .. تصدّر منكم الاوامر
يوم حال الناس .. يامّا عبد وألا سيّد

قلتها .. وانا مع اهل الطيب ما امرح خامر
والبحور اغوص وسط اعماقها واصيّد

وازملايه فالشعر .. عبد العزيز السامر
ودايم السيف .. وبدر .. وابو بدر .. وشديّد

والشعر يوم الحياة .. امجابهه وإمغامر
ليه يِظهر لك .. من اعيال الرجال احسيّد

ل انحذف في ماقفه .. ما شفت غير امطامر
وإن تكلّم فالسعه .. شفت ( الوْليد ) جويّد

ما قطع طول المسافة .. فوق شقحاً ضامر
منكشف ستره .. يوم انْ القرم ستر الغٍيّد

والا انا لي لبس ضافي .. ما لبست الشامر
جيت أسوق اخطاي .. وابليس الرجيم امقيّد

ما اتمغّط .. في مواقيفي .. تمغّط عامر
!! جيت أشاركّم فرح .. مرهب واخوه اعبيّد

ويوم شفت .. إن الدعاوي عيد .. قلت ل ثامر
قبل عيد الفطر .. والأضحى .. حرام انعيّد!!

وانتم الليله .. جمعتونا .. غلا وامسامر
مير دوجي .. يالسعادة فالصدر .. برويّد