في محل أهل المعاريف الثمينه

في محل أهل المعاريف الثمينه
بإسم راع الحفل .. واللي حاضرينه

كلبونا .. ربع .. واخوان .. وقرابه
عزوةٍ ما بيننا حقد وضغينه

أتقدّم بإسمهم من غير قاصر
وآتخيّر من معانيّ السمينه

مرحبا باللي تعنّا ثم جانا
مرضيٍ ربّه .. ومرضي والدينه

ومرضيٍ ربعه .. بمدخاله عليهم
يوم قابلنا .. وحنّا امقابلينه

بالقبول .. ومرحبا .. والعود الأزرق
وكيفٍ أشقر للنشاما .. محتسينه

وعقبها ترحيب .. واعلوم .. وقصايد
ترضي المهموم .. والنفس الحزينه

ومن بعدها .. أنعام .. وارزقٍ اتقلّط
من يمين اللي مظهّرته .. يمينه !

( اخو ساره ) لا تعزوى بالعزاوي
للوفا .. والطيب ما تقصر يدينه

هو وليّ العهد .. والا هو سميّه
كلّهم سلطان .. محدٍ قال وينه

المراجل .. مكتسبها من جدوده
غيرها بأيمانه .. الله لا يهينه

من نسل كابر .. يورّثها ل كابر
ما خذيناها .. هبات .. ولا رهينه

والعذر .. ما جيت ابيّن ويش حنّا
فعلنا كل الأوادم .. خابرينه

جيت .. ارحّب بالضيوف وبالقرابه
جَمعةٍ ما بيننا .. حقد وضغينه