أحلى الحكايات

لجلك كتبت حروف ثم صغتها أبيات
ولجلك انقي مفرداتي من رفوف

أرفوف منها خذت كل الجزيلات
كله لجل عينك ولو كثرت صفوف

ما همني كل القوافي الصعيبات
يسهل صعيب القاف بحساس مشغوف

انتي حلا وفيك تحلا العبارات
وانتي غلا والقلب لعيونك يروف

كلمه صغيره حرفها يروي الذات
أيه ابتسم لو جتني منك اربع أحروف

تجمع بقايا انسان ضيعبه اشتات
وتخفف احموال ٍ ثقيله على كتوف

وتبعد هموم ٍ شفت منها امتحانات
وتبرى جروحي لوها بطعنة سيوف

يا أول بداية حب وأحلى البدايات
يا أول وجود ٍ ساكن ٍ داخل الشوف

لا تسأليني ليه ؟؟ احبك وبذات
لأنك نزعتي من قوامسي ال أوف

لأنه مديحك عندي مثل الدعايات
حرك مشاعر داخلي لوهي أوقوف

يكفي كلامك لا بدت بي نهايات
يكسي غضون ٍ ذابله صابه خوف

من الفشل والضغط من بعض الآفات
ومن ناقد ٍ يرمي كلامه من الجوف

ومن عاذل ٍ حاول فقطع المسافات
كنه على قطع المسافات مكلوف

هذا يسمى حسد ماله خيارات
يعني زوال الخير من دون معروف

والغبنه انه يبتسم ببتسامات
كنه بريء ٍ ما فعل شي مكشوف

يا ويل حالي من كثير العلاقات
اللي تكاثر ف الشدايد لها ظروف

دايم حكيها هات لي ثم لي هات
تاخذ ولا في يوم مدت لي كفوف

لكن وهبني الله أغلى الثمينات
من دونها أصير بالحيل مكفوف

هي ملهمة شعري وأحلى الحكايات
يعني انا ما أنلام لا جيت مشغوف

ولا حد ٍ يلوم القلب لا صاغ الأبيات
وأصبح ينقي مفرداته من رفوف