بدر في تمامه

بديت أراضي يومه هلال واجيه
لين اكتمل واصبح بدر في تمامه

من اول ٍ أزعل وعود اراضيه
واليوم غير اليوم وهذي علامه

قرار مني اصدره عقل موعيه
والقلب ضايق يسأله وش علامه

لو يخفق الخافق ليا حل طاريه
والله ماطيعة في هواه وغرامه

بسوي اني سارح ٍ عنه ما ابيه
وشد حزمي بالعتب والملامه

أبيه يفهم وش أبي يوم احاكيه
واليا نطق قول ٍ يثمن كلامه

وأضكه بالزود الحكي كني اهجيه
وأحسسه انه قليل الشهامه

ثوب التنكر بالبسه لين اخليه
يحفظ مقامي مثل محفظ مقامه