يا الله..ياللي معتلي فوق الأفلاك
ياللي تعلى..من علاك..المعالي
يا أول..مافيه قبل تبداك
يا آخر..بعد المخاليق..تالي
نشهد بك..ونومن..ولو ما رأيناك
لا رب غيرك..ماعليها اجدالي
شفناك..من خلقك..وصنعك..وشفناك
من كائنات..اتفوق..وصف المقالي
لازم يكون..اللي صنعها..له ادراك
ماهي..طبيعه..أو..تطور خيالي
لكن..بلا هديك..صعب حيل..نلقاك
ضعنا..ولا نعرف لنا..رب والي
مابين..متيقن..وجاحد..وشكاك
رحمتنا..وارسلت..نور يلالي
جبت النبي..وابمعجزاته..عرفناك
(..صلى الله وسلم عليه..) امتتالي
قال: اعبدوه..ابلا تردد..عبدناك
قال: اطلبوه .. وهو مجيب السؤالي
قال: احذروه ..وما عصينا..اطعناك
قال: اذكروه ..المنفرد بالتعالي
قال: اشكروه .. ابلا تكبر..حمدناك
الشكر لك والحمد..باول
وتالي سبحانك المعطي..وحنا عطاياك
عطيتنا..جسم..وعقل..ومالي
لو بمدحك..لو نمدحك..ماوفيناك
حقك..وضاق الوقت في هالمجالي
تقدس اسمك..وعز شانك..بعلياك
كامل..ومانحصي ثنا للكمالي
رحماك ياربي..ورحماك..رحماك
رحماك انا طالبك..ياذا الجلالي
ترحم..ضعيف راح..بلحاله اهناك
عقب الوساع..بضيق..تحت الرمالي
جدي بدر..راح..وتركناه وياك
وحيد..لا من مال..لا من اعيالي
يارب تكفى ثبته..يوم يلقاك
يسر سؤاله..في عسير المسالي
يارب فكه..من لظى..وانت فكاك
يارب جيره..من خبيث المآلي
يارب تكفى..رحمتك فيه..وارضاك
وانت الكريم..ورحمتك لا تزالي
يارب تكفى..بطلبك شي..وابغاك
اتوصل لجدي..هواجيس بالي
قله:ولد بنتك..ضما..شف لاماك
قله:ترى محمد..من الوجد..قالي
يابوي..انا ابكي دم..من هول فرقاك
وللحين..عيني..باكيه بانهمالي
يابوي..لو تدري..انا وش بلياك؟؟
كان..انت ترثيني..اذا شفت حالي
يابوي..كيف انساك؟ّوشلون ابنساك؟!
وانا..عن النسيان..يابوي سالي
هذاك..بشتك..وذي عصاك..ومركاك
هذا..سريرك..كد له ايام خالي
هذيك قاع..كانت اتحس ماطاك
هذاك..ديوانك..وذيك..الدلالي
هذاك..علم فيك..يحكى سجاياك
يضرب..دروس المرجله..للرجالي
هذاك..ذاك..وذاك..مع ذاك..مع ذاك
كل..لقيتك فيه..واااا عزتالي
اذكر..وقارك..نبرتك..وقعة اخطاك
اذكر..قصيدك..لاسمرت الليالي
محسود ياجدي..ولو مت..بعلاك
لله درك..صرت..ضرب المثالي
(ميت..وما ماتت..مقاديم يمناك
تحت الثرى..واسمك..مع الناس عالي)
الله..يرحم ضعفك..ويعتق اعضاك
واهو الوحيد..اللي عليه..اتكالي
الله..يغفر لك..ويدمح خطاياك
الله..يقبل دعوتي..وابتهالي
يارب تكفى..رحمتك فيه..وارضاك
يارب..انا طالبك..يا ذا الجلالي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.