غلطة زماني

غلطة زماني يومني جيت يمك
وعلنت حبي لك من احساس وشعور

وغلطة فؤادي يوم حبك وظمك
اذنب وبعض الذنب ماهو بمغفور

شميت ريح الغدر باطراف كمك
وانا المحب اللي نفح حبه عطور

قلبه رحل يمك ولا يوم ذمك
ياللي خذيت الحب من غير دستور

كلام يتردد فقط فوق فمك
ولا الحقيقة كنت انا فيك مغرور

مغرور في هرجك ولا شفت سمك
حتى تجرعته كذا اسنين وشهور

كان الهوى لامر ياهيه شمك
وكتب حروف الشعر من قلب مسرور

واليوم بان اللي مخبىء وتمك
حباً بدابك صكر الباب والنور

ولعاد تترجى وعوّد لأمك
تهدي لي اشواكك وانا هدي لك زهور

عرفت كيف الغدر يمشي بدمك
وعرفت انك بيت خالي ومهجور

وذلحين مايهتم همي لهمك
ولا جيت باحكي لك عنى قلب مقهور

جيتك مودع قل لخالك وعمك
مشكور عالنكران ياهيه مشكور