على طاري غرامك - علي باعوضة

على طاري غرامك ياهوى بالي اجيك شروق
يبدد ظلمة الوحشة بصبح الحب وشراقه

لمحتك في خيالي ليلة البارح مطر وبروق
وفز القلب من جوفي لغيثن لاح براقه

فداك الروح ياعمري تغيب وفي تموت عروق
وليتك تعرف ان الشوق ناره نار حراقه

احس الوقت بغيابك سحابة ظلها مسروق
يمر الليل من ثقله ونا من طاقه لطاقه

اراقب جيتك وسأل عليك نجوم لي تروق
واكتب لك حروف الشعر ترسم روح مشتاقه

تنادي لك شراييني ويزعجني عليك الشوق
وحب الصيف وبروقه لانك كنت عشاقه

تجيني والسمر يحلى ونفتح للهوى صندرق
تغني لي ونا شكل حروف الشعر لك باقة

ازف احلا مشاعر قلب من شوقه غدى محروق
وطفي جمرة شواقه بغصن الحب ووراقه

تطالع في عيوني والهواجس تشعل الطاروق
وانا طالع لعينك يالغلا والنفس تواقه

© 2024 - موقع الشعر