عليك اللوم ياللي قدم وجهي تغلق الابواب
وانا نفسي عزيزة ماطلب اللي يغلق ابوابه
اطنش كل متكبر ولالي قصد بالكذاب
ولاعشق ناس في درب الهوى بتغش نصابة
ولو جرح الهوى في خافقي من صدتك شباب
ابا تصبر على جرحن نياره دوب شبابه
ابكتم سري بقلبي ولا باسأل عن الاسباب
وماختاره لي الباري انا ملزوم ارضابه
طوينا صفحة الماضي ولا بكذب ولا باغتاب
وكل انسان له شرعه مع خصمه واصحابه
رميت الصورة اللي من سنه في داخل الدولاب
ونهيت القلب لايتبع سرابك يحسب حسابه
على ايش القلم يكتب وحبره عالورق كم ذاب
على ايش انظم احروف الشعر وحرجت كتابه
على شانك سريت ابليل مظلم والقمر به غاب
اسوق الرجل والليل البهيم ابتعوي ذيابه
انا ماني من اللي يعشقوا عالفيس والوتساب
انا صادق باحساسي واحساسي لي يشابه
ليا حبيت حب بصدق لاخاين ولا كذاب
نهيت القلب عن حب المصالح يترك اصحابه
وماقال المثل اللي يجيبونه اولو الالباب
من تغداء بكذبه والله انه ماتعشابه
وعلى هذا الاساس اما نعيش الحب حب صحاب
نوفي للمحبة لو ظروف الوقت غلابة
وإلّا انصك باب الحب ونعيّد بلا احباب
نعيش اليتم مثل اللي فقد اهله واحبابه
ولا داعي كذا نسهر ودمع العين بالاهداب
نخيل للبروق اللي تلوح ابررق كذابة
بلا احلام وردية بلا عشقة بلا اعجاب
حبيبك لاتغلا خير لك لاتبكي غيابه
تقنع وقنع خفوقك وقله ياخفوقي غاب
غياب مودع انهائي ولاتسأل على اسبابه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.