أنا احِبَّه لموتي

بأوصِّيكم عليه أحِّبَّه بااللي فيه
خُذوا قلبي الشِّوَيْ على قلبه هِني

أمانه بااللي آه بصدره لايجيه
بأحِّسَّه لو بعيد وانا عنه أنثني

أعرْفه مايِطِيع ولايخَفِّفْ عليه
يِهِّمَّه كِلِّ خاطِر يِجِي كِلَّه عِني

أنا ادموعه جِراح ولا عَلَّمْتَه لِيه
لأِنَّه ماعَطَى مِنْ أحضانه حِني

تشوفونه صحيح وهو كاتمها تِيه
يصوِّر لك أناني وهو منها فِني

معاه الشوق ذِمَّه أخافه لا يِذيه
عصاني البُعْدِ خالي وانا دونه ضِني

يِشير بحَدِّ عِينه ولايرْمِشْ خفيه
واذا بقلبي عَتَبْ أداري واهِني

أنا احِبَّه لموتي كِلِّ الموت ابيه
بَسْ انَّه تخَيَّرْ لِبُعْدي ولامني