مساجلة شعرية2

عبدالعزيز الرويبح
تستاهلون الشحم والعود

تستاهل الكيف فالدله
تستاهل الغالي من الذود

اللي ملايين سيقن له
وأنا ترى ماعليه زود.

عزيزماعشت في ذله
في حق راع الوفا والجود

أصون نفسي من الزله.
وأجزاه بالطيب دون حدود

وليا لفا ضيف نقبل له.
عن حب راع العيون السود.

أبعدت لو العمر كله.
من شان مايحصل المنقود

وتصير أنا علتي عله.
محمد الذيابي

يامرحبا عد هب النود
باللي له القدر ونجله

وافي عليك الظهر مسنود
سيف للأعداء نستله

انته حفيد لذاك العود
مكارمك طبع وجبله

وانا محمد عريب جدود
افخر واماري على مله

ماني بغادي ولامقرود
والطيبه دربها ادله

اقلط تفضل على المفرود
شرواك يقلط على حله

بيني وبينك حبل ممدود
وراع الردى يبطي بغله

كانك هواوي تحب الخود
والعشق فالقلب محتله

الحب بلوى وقدح زنود
والدمع ياقرم بتهله

انشد صويب غدا مضهود
بالقلب يونس كما المله