انت شمسي

لو تغيب الشمس والجوزا تغيب
والقمر بيغيب من خلف السحب

ماتناسيتك وانته لي طليب
يالذي لك حب في دمي يدب

انت شمسي وانت نجمي يالحبيب
وانت ساكن بين عيني والهدب

ينهمر دمعي وانشج بالنحيب
لاذكرتك هل دمعي وانتحب

حالتي بعدك تراها كالغريب
وش يسوي من بحبك اغترب

حبك بقلبي بيسمع له دبيب
حب ماتشله قواميس الكتب

رغم بعدك صرت من عيني قريب
كل ماتخيلت حبك يقترب

من لجرحي فالهوى غيرك طبيب
ومن يونس غربتي بين العرب

ياحبيباً فيك ظني مايخيب
داو جرحاً من فراقك يلتهب

فالمحاني يحرق الغصن الرطيب
وتنفجر في داخلي ثورة غضب

في خفوقي نار تلهب لك لهيب
والغلى يوقد من ظلوعي حطب

الله اللي ساقني لك والنصيب
كل ماتخيلك دمعي ينسكب

طيفك ا بالي مثل غيثاً خصيب
اشهد انه صار ليه مغتصب

حبك وحبك بقلبي مايشيب
كيف لا وانته عروقه والعصب

ياشموخ الحب نظراتك تصيب
تقنص فؤادي مثل قنص الخنب

حبنا يابنت والله مايعيب
من يقول انساك قولي له كذب

ولو نسيّ الزير ثاره في كليب
مانسيتك ياهوايا والطلب