طلات غيوم الليل بين الظلام متخفية
 حشمت تبان على زمان قلت النية
 زماننا ما خسر وحدو ....
 خسّرناه وزدنا قلنا عليه كِيَّة
 زماننا باقي كيما هو ولكن
 بنادم زاد يبان مثقف وهو بليتو بلية
 يا حشيش يا كيف يا ريح تِبْغِيَّة 
 واللي مايدير والو....
 عاطي للتبركيك صَلْيَة
 يقهروك بالفيس الفيس حتى...
 ولا فيسو لصقة جبلية
 دير اعجبني يتفتحو ليك أبواب الخير
 ويلا ماعجبكش نار جهنم تكون عليك ملْوِيّة
 اسم الله ولا حدا كلام الفحش سلعة منسية
 ايلا كنتي تبغيه نشرو وزيدك بدعة بدعية
 واش حب الله يتقارن بحب أشعار منسية
 واش كفرتوا ورديتو الدين كلمات عاطفية
 كيفاش ترضى لراسك الذل واللي خلقك
 عاطيك كرامة إنسانية
 المرا بغات تحرر وتدعي للديموقراطية
 ردوها عاهرة وداو مْهَا للقراطية
 عراوها من حجابها وحوايجها بأفكار رجعية
 المساواة والحرية وعادي تكوني زانية
 حقك حقك الراجل مادة عنصرية
 حرقيه وكوني الراجل خليه شيخة حريزية
 عاد صحاب يكونوا معاك كعلامة تجارية
 يسالي معاك شغلو سلات ليك الصلاحية
 ايلا الغيوم حشمت كيف يكونوا العيون الملائكية
 كون كيبغيتي تكون هادي الدنيا فانية
 سالا وقتها وقريب تلقى راسك فوق زربية
 بيضة
 آجي تحاسب أولد فلانية
 ,
 ,
 ,
 ,
 شاعر الأسى : الزبير كتاني

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر - بواسطة شركة المبرمجين