موت ورد

لي صاحبن ماشفت منه الاذيه
على يميني كل ماقلت لباه

من يوم هو جروٍ صغير بيديه
حتى غدى نابه هلالين في فاه

كم ليلتن سهران ويا خويه
لا ضايقه لله ولا يوم اذاه

لاقبلت له باقصاه يقبل عليّه
ويفزع على صوتي ليا حس ناداه

يدرج معي وعينه تلفّت قويه
من ميمني ولا لشمالي تحفاه

حرام ياخوّه هك الذيب ليّه
خيرن لي من ادنى القرياب وبلواه

ما يجحد المعروف سمح الطويه
ولاهوب نمامٍ ولا اغتاب من جاه

الكلب من لاقفيت جاب الخطيّه
يقصب عراقيبي ولحمي تعشاه

يالذيب لو تدري وش اخلفت بيّه
حطيت بي لوعه من فراقك وآه

ياما تعللنا بحزمٍ عشيّه
والكبد لك نيه ونا لي بمشواه

وكم ليلتن صرصر سهرنا سويّه
قايم اصلي وانت سبحت لله

حزين وغبوني لك الله قويه
يوم العدا فسال وملاعين وخطاه

رمحي تعب من دون هاك السريّة
الي طعنت ظهري ونا بالملآقاه

شلفاي بصدور الطلايع نديّة
يوم الردي لعمه ذخر ضرب شلفاه

الذيب ذاك اللي فلا شفت زيه
الي فلا يخطي ولا السو سواه

من الوفا من غبت عنه شويه
الزاد مات ولا دخل زاد في فاه

عز الله إن عيني جذبت هاشمية
يوم العديم من الوفا مات برضاه

عزاه ناحت بالحشا راعبية
قفرن به جبور الخوالد مسجاه

يالذيب من غيرك يموت لخويّه
غيرك يموت ولا سقى ضاميٍ ماه