يلعب بقلبي - خلف بن هذال

ما للبكا والهم والحزن داعي
صدقت من قال المحبه ولاعه

واخذت مده يصبح الصبح واعي
والعين مانامت من الليل ساعه

لو الهوى عند المحرج يباعي
بعته مثل حيٍ زهد به وباعه

يلعب بقلبي لعب صفرا رباعي
سمعت طبول الحرب يوم الشجاعه

ويلعب ويلعب لعب وامره مطاعي
لعب الرضيع اليا روى من رضاعه

جذاب نهاب لخده شعاعي
أغليه وأثره فيه سر القطاعه

القلب ماله غير لاماك راعي
ارعه رعاك الله عن كل راعه

لا ماك ترجع بالقلوب الوجاعي
انت الطبيب ولا طبيب الإشاعه

بغضك رميته بين سبع السباعي
وحبك زرعته في ضميري زراعه

ان كان ناسي لك خصيم يداعي
اذكر زمان فيه كنا جماعه

وكانك قطوع وعندك السر ضاعي
رد الوداعه لا تضيع الوداعه

© 2024 - موقع الشعر