قم يا قلم

قم يا قلم واكتب من القلب بيتين
بيتين لعيوني وصافي نظرها

قل للحبيب اللي سكن داخل العين
لا تحسب ان الروح عافت جسدها

والله مهما صار يا كامل الزين
ما أنساك لو عيني عافت جفنها

ولو حطوا فوق القبر من الصخر نصبين
ما انسى الحبيب اللي حياتي سكنها

قله امانه زود الجرح جرحين
ساعة دموعه فوق خده نثرها

لا تحسبين القصد يا عين تبكين
بغيت اكحلها واعميته بصرها

ما كان ودي صار ما بيننا الشين
لكن حصل من دون حسبه نحسبها

ابليس شاطر عليه من الله لعنتين
حفر لي الحفرة وحياتي سلبها

أستغفر الله وأتوب له كل حين
أغفر لي اذنوبي وطهر بدنها