طعنة قريب

الطعنة اللي من صديقي ... جرحها عيا يطيب
وسمّ السهم ..في ثومة القلب زوّد ضيمها

طعنة قريب ولا ذبحني غير طعنات القريب
في حزة فيها الرخاء . والأمن . يالله اديمها

غريب .. وعيوني تشوف اللي على الدنيا غريب
لكن . نفسي جازمه . ويسوقها تصميمها

قُل الادب . شتت مشاعر راعي الفكر الأديب
حتى انه .. يحرّم دروب ... ماوجب تحريمها

تمشي على عقل الذكي . ويقرّها العقل البيب
ويقصها حد الحسام . اللي عرف تقسيمها

وانا اعتبر نفسي وفيت .. ولا بقاء شي ٍ صعيب
وسحابة الحزن.. فوق الراس .همل غيمها

والحق شمسه واضحة . تبقى ولا يمكن تغيب
وعزيمتي . ماتنثني ياللي تبي تحطيمها

#سعيد_المهداني#