يمه وحشتيني وانا خافقي ذاب
شوق ووله وهيام يا اغلا غلاها
هذا رمضان اقبل وانا انطرك بالباب
بيزل شهر الخير وما جا لقاها
واخاف عيد الفطر يقبل بلاثياب
وانا ثيابي دمع عيني غطاها
يافرحة(ن) ذابت على طرف الاهداب
جتني ثمان اعياد مانتي معاها
العيد هذا تاسع العمر به شاب
وانا ثمان سنين ميت بلاها
إما تعالي وخلي الكون يغتاب
والا اجيلك يا بعد من وطاها
يمه انا فاقدك والفقد سرداب
ضعت بدهاليزه ودمعي ضواها
كلمة يتيمه ما لها اليوم اعراب
غير الله يرحم حالها في خفاها
واللي مثل حالي ترا مات منصاب
والطق في الميت حرام (ن) علاها
يالله ترزقها جنانك بلا حساب
يالله عساني فايزه في رضاها
١٥ - ٩ - ١٤٣٥ ه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.