هموم الشعر

انا من عادتي ماكتب بيوت الشعر دون هموم
واذا ضاقت عليّه دنيتي يجلى الشعر همّي

الى من الكدر فيني قدر يحرم عيوني النوم
دعيت القاف وحروفه وعوّد وانثنى يمّي

وفيه ابحر بلا مركب انا سباح اجيد العوم
واذا عاندني بموجه ركبت الموج ما سمّي

ومهما زامت امواجه اصده وانطحه في زوم
اهديها واخليها تذوب ويغرقه جمّي

اروعها واطوعها وابيعه واشتري واسوم
وانقيها واصفيها سوات كلاي في دمي

ارتبها واهذبها واشده شدة المنظوم
واسويها واخليها مثل بالكيف والكمّي

اكملها واجملها بريح المسك واليشموم
واوسمها واقدمها لمن بالشعر يهتمّي

واقول ان شاءالله ترقى لذوق القاريءالمحشوم
واذيلها تحياتي وشوقي قبل ماتمّي