انا آسف عيدها ثاني

انا آسف عيدها ثاني ترى ماني معك ياعم
والا شوف احد غيري وخل القلب مع همّه

ترى كلي مني عندك وربي لاتغرك سم
وكلمة سم ذي قلته لمن كلي رحل يمّه

ذكرته يوم هي قالت طلبتك يابدر قل تم
طلبتك لاتغيب اكثر وخل ايامنا لمّه

سرحت وقلت له ماقلت سم ابشر ولاتهتم
بظل اقرب من ظلالك وعدته والوعد ذمّه

وانا ياعم كنت اكبح جماحي يمها والجم
ولا اقرّب لشاطيها الين اجتاحني جمّه

سرتبي نومة الهايم الى عنده وقالت قم
وقمت وشوفت عيونك غريق يحيط بي يمّه

اسرني دون مأفكر ولا احصي كيفها والكم
وخلا الكل بسفوحي وهو عدى على القمّه

سكني لا00سكنته 00 مادري؟ بس المهم افهم
تره لي صار 00 والا اسكت بغيت اجيبه مطمّه

انا دونه احس اني كفيف(ن)ابكم(ن)اصم
ومعها اشوف كني صرت اعلا شخص في الأمّه

واذا ياعم قلبك صار ماله غير ضخ الدم
انا ياعم قلبي فيه شيء اهم من دمّه