حُدودي لابَغَتْ تَطْلب تِجي من قلب حَاببْنَا ..!!

وِسيعه احلام هاالدنيا ولمَّا تفيض تنقصْنا
فِهِم اقرب شخص فيها لاعاتبْنَا عن احساسه

يِثيرك صمت من كفِّكْ لو انَّه يقرا غايبْنَا
أعوذُ بجهل هاالتفكير لو انَّه ناقصه براسه

أعوِّد نفسي أتغاضى لو انِّ الحاجَه تحْرِمنا
لأنِّ اللي يفي الكلمه مايوقِع طيبته ياسه

تِمَهَّلْنا وذِقنا الصمت وصاب المَهْلِ مِهْمِلْنَا
وشفْنا للصدر يرتاح مابين الشَّك وانفاسه

حشى مااقوى على حرْفي يبعْثِر قلب بايعْنا
لو انِّ الخافي في قلبي حزين وفيه حرَّاسه

مْجَّرَّد ماأكون اخجل أصِّد وكِنِّنَّا نِمْنَا
أقومُ وأحيا في خُلْدي مثل نبت الصَّخر ساسه

حُدودي لابَغَتْ تَطْلب تِجي من قلب حَاببْنَا
مايُوجِع قلبك لسانه لو انَّه ماامتلَى كاسه

كِثير الناس لو تَدْري تِشَكَّل كِثْرِ ماقِلْنَا
ولا مِنِّي ذِكَرْتِ الناس أقول الصَّبرِ مِن دَاسه

أبيكِ المُخْتلِف باالغِير يِحِّنِ بجد يِلَمْلِمْنَا
واذا ضِقْتِ بعيونه يوم ياشَّر ابْعِد بوسواسه

أنا بالحًّب مااخلِطْ شيْ أفَرِّقْ يُسْرى عن يُمْنا
ولا لِي حُبِّ غيرِ الحَّيْ يفَوِّقْني على اجراسه