فمان الله

فمان الله يامن لك ركع قلبي غرام وشوق
فمان الله يامنبع جمال الكون والرِّقه

فمان الله ياكل الحسن والذوق والمنطوق
فمان الله يالترتيب والتهذيب والدِّقه

فمان الله خوذيها بصوت العاشق المخنوق
فمان الله تطعنّي تنول القلب وتشقّه

فمان الله تحرقني وتذبل بالضمير عروق
فمان الله منه امسي كما عود ولده عقّه

فمان الله ياااااويلي كذا مخلووق عن مخلوق
تفرقهم ومن يكره فمان الله من حقّه

اصد /اقفي /وادنق /وابتسم كذبه وانا محروق
وتلاشى هيبتي من عبرةٍ بالصدر له طقّه

وازفه ونةٍ ترعب ولاااا حنة خلوووج النوق
صداها لارتطم بأسوار صبر المنكوي دقّه

وعلى خدّي سقط دمعٍ ابى لايحتويه الموق
كما دمعة يتيم ضيم زوج الوااالده طقّه

ولكن دامها ضاقت علي برفع يديني فوق
وانته هم بعد مثلي يدينك للولي لقّه

وندعي واحدٍ عادل وعنده ماتضيع حقوق
يشوف ويعرف الأيام شعطتنا وإشبقّه

ويدري ان ال للعاشق وللمعشوق
تعذب دون ذنب قلوووب من للعطف محتقّه