بالله لاتلومون من كان مجروح
ماشاف من دنياه غير التعاسه
يومن كلن عانق الروح بالروح
عانقت حزني غصب ماهو وناسه
الناس ماتدري عن اسرار مذبوح
تحكم على الظاهر بحقد وغلاسه
واللي بفي الظل ماهو مثل مطروح
على لهيب الجمر من قو باسه
غذى شقاي اعضاء جسمي ونا انوح
حتى نقص شوف النظرمع حواسه
كنه يماريبي على كل مملوح
في صبر تجريع الحشا مر كأسه
وانا اكابر سطوة الجرح ساموح
مثل الغريب اللي على الارض ناسه
اقدع تمر قهري سماحه ومسموح
وابني من قصور المعاني فراسه
اتأمل القادم أمل حامل افروح
واقول مرور اللي حدث لي طفاسه
واطرب مع الالحان في صدر مشروح
والقلب فيه اللي من الهم حاسه
شعر الملتاعة
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.