شقيق الشعب

لـ رائد العالي، ، في الوطنيات، 501

شقيق الشعب - رائد العالي

ياملكنا طال عمرك مانت راعي زله
كلمتك فيها الوفا والصدق والعفويه

للأبد تبقى شقيق افراد شعبك كله
كل ماقلت الك كلمه جا لها شعبيه

كم رئيسٍ قاد شعبه بالغدر ويذله
وانت خليت العلاقه بيننا وديه

انت اخونا وانت عزوتنا وفخر المله
موقفك محدٍ بهالعالم يسوي زيه

افتخر يابن السعوديه يااخو عبد الله
الاخوه مع ملك دوله ماهي عاديه

حلم في كل الدول محد قدر يوصل له
ناله الشعب السعودي من صدوق النيه

الزعيم العادل اللي كل صعب يحله
ابو متعب باني امجاد الوطن ياحيه

كل حاسد من تلاحمنا يموت بغله
وكلنا دون الوطن للخصم نارٍ حيه

فعلنا فعل الصقيل اللي ينومس سله
من قديمات السنين حدودنا محميه

الله انه يحفظك ياسيدي عبد الله
ويجعل الجنه جزا لاعمالك الخيريه

© 2024 - موقع الشعر