حياة البدو

ياسعيد يامحلى حياة البداوة
لوشفتهم ياسعيد عند المواجيب

حبيتهم حب الطفل للحلاوة
وحب النساء للعطر والكحل والطيب

حياتهم ياسعيد طيب ونقاوة
ماصابهم في فكرهم اي تغريب

يطربك ذود البل تنسى الشقاوة
والراعية ماهاشها فالخلى ذيب

داويت جرحي وانت ياسعيد داوه
عند البدو تلقى كثير التراحيب

تلقى الكرم فيهم وتلقى الحفاوة
اهل السمينة والدلال المحاديب

لاضيق يوجد عندهم لا عداوه
لاصوت مزعج لامشاكل وتخريب

الجو يازينه تحس بهداوه
والشمس تحضن فكرتك قبل ماتغيب

والليل قمره يطربك للتلاوة
وتقوم تذكر عالم السر والغيب

وينجلي همك كاجلي الغشاوة
تبعد عن الاوهام والشك والريب

وش هي حياة الحضر هم وقساوة
لا والله الا للفكر صدق تعذيب

قم خاو طيب البدو ياسعيد خاوه
ضاعت حياتك وانت بتغازل الويب