ببيع الحلو للحلوين - عمرو كمال فتحي

ببيع الحلو للحلوين
-----------------
بلف يوماتى على الاشارات
وعا الميادين ببيع الفرحه
وانا بضحك
وقلبى حزين
فى ايدى الفل
بينادى على العشاق
واصادف
فى الطريق بشوات
والقى على الرصيف
مساكين
ادوق المر واتصبر
بريحه الفل
على الاغصان
عروسه تحطها فى الطرحه
وعملوها البنات حلقان
وتاكسى
يحطه فى مريته
وظابط يشتريه
فى كمين
طريقى طويل لكن
عمرى فيوم مابمل
صحابى كتير
انا اكمنى
حبيب الكل
ببيع الحلو للحلوين
© 2024 - موقع الشعر