سلاح المجد

إحتضار الشمس في صدر البحر لحظة غروب
يعني إنْها في بلد آخر بتشرق عايشه

والشّعِر ما يحتضر لو زاد ليله بالشحوب
من فعل مستشعرٍ أو سم حيّه نايشه

شوف شعري من شماله يروي لْ حد الجنوب
جنَّب الممحل وخصب الفكر دايم حايشه

صاحبي هاك العلوم وخَلّ عنْك الهرج صوب
دنيتك شاللي حداها؟ كلّ ديره شايشه !!

اجتمع حاخام مع شخصٍ لبس الاسلام ثوب
تحت رايةْ قس يا جعل ان تصيبه هايشه

و جفّ دجله والعجم ترمي بنهر النيل طوب
وما بقى إلا ديرة السيفين ، قال مْفايشه

قال فيها حَلّ واحد: بالفتن تشعل حروب
من جنوب و ثُم شرّق ، للفلوس الفايشه

و كرروا فتنة ْ ذُوَ النّورين والجار مْغصوب
وأثرها فقّاعةٍ راحت بضربة طايشة

ذي بدايه والحرايق توّها باوّل نشوب
وكثر ضربات اللحام تفكّكه لو بايشه

صاحبي جمّع حديدك واصهره واللي يروب :
اقحفه ، وأصنع سلاح المجد لجل تْعايشه

مجمل اللي ما سبق يروي جفاف البيد نوب
و نوب يرثي حال وأحساس المشاعر جايشه