ارحل

مع السلامه وربي سيدي يرعاك
ما عاد لي روح تتحمل وقلبي مل
 
 
ما عاد لك شي فيني والذي سوّاك
وما عاد لك حب أو تقدير مثل اول
 
 
من عشت له بالجفا لابد ما ينساك
والورده ان ما سقيت عروقها تذبل
 
 
يا ليتك تشوف نفسك بس ((ما أقساك))
وتعرف اللي تغير فيك واتبدل
 
 
مع السلامه وخذ كل الجروح معاك
مابه لمن مات احساسه وقلبه حل
 
 
يا قلب وش فيك واقف محتضن ذكراك
امشي حبيبي ترى بعده زمان اجمل
 
 
خلّه ... وله وقت يشتاقك ويتمناك
ويقول من حسرته ((يرحم زمان أول))
 
 
من باع ذاته ترى ما يشتري دنياك
ومن خان... ما يستحق انك عليه تزعل
 
 
ومن قال ((فرقاك سهله)) وابتدا فرقاك
من دون تفكير قله (( فرقتك أسهل))
 
يا سيدي غيب وارحل وابتعد ب ((رجاك))
صعبه لمن طبعه النكران يتعدل
 
 
كم جيت ((محتاج لي)) ..((ولقيتني وياك))
ويوم ما جيت محتاجك معي ... تبخل
 
وانا الذي كم تحملت الألم ((لرضاك))
تخطي واجي معتذر ... تتجاهل وأسأل
 
أبكي .. واخبي دموعي خوف من رؤياك
أضحك .. واداري جروحي منك واتحمّل
 
 
ولّيتك احساسي وظلمت من ولّاك
كفاك يا حاكم احساسي خلاص ((إرحل))
 
 
بقلم / زياد السنباني