كابر

لـ زياد السنباني، ، في غير مُحدد

كابر - زياد السنباني

كابر //
 
 
مدخل //
 
بقلم / زياد السنباني
 
ابكي ... والاقي الناس تضحك شماته
واضحك .. والاقي القلب باكي لجرحك
 
 
ان كان عندك حل بالله و هاته
وقلّي : ابكي من جروحك او اضحك ؟
 
 
 
 
 
*************
 
 
 
 
 
 
 
كابر //
 
 
بقلم / زياد السنباني
 
 
 
 
 
كابر وغني وابتسم كلما جيت
وامسح دموعك في كفوف الاغاني
 
 
 
 
مهما ضحكت وشفت صوبي وخليت
نفسك طبيعي .. ادري انك تعاني
 
 
 
 
 
مدري على قلبي كبرت وتغليت
والا ترى ما هو مقاسك زماني
 
 
 
 
الغلطه اني طعت قلبي وحبيت
واكثر من اللازم عطيتك حناني
 
 
 
 
مل الزمن مني وانا منه مليت
يغيب ان جيته واذا غبت جاني
 
 
 
 
يزورني بايّام الاحزان للبيت
وان قسّم ايام المسرّه نساني
 
 
 
 
 
وان جيت اراجع حسبتي ايش سويت
القى الحقيقه ان ((قلبك اناني))
 
 
 
 
لا خير في من عشته ابصدق واوفيت
ان كان قلبه صار لانسان ثاني
 
 
 
 
اكثر كلامي بعد ما انته تخليت
(يمكن) و (ياليت) و (عساه) و (عساني)
 
 
 
 
وضاع العمر ما بين ((يمكن)) و ((يا ليت))
لا الوقت خذني لك ولا هو عطاني
 
 
 
 
 
عاني .. وانا في نفس الاوجاع عانيت
واليوم دورك جرب انك تعاني
 
 
 
 
 
مادام بعد الود غيري تمنيت
لملم جروحك وانتظر للاماني
 
 
 
***************
 
 
 
 
 
 
 
 
مخرج //
 
بقلم / زياد السنباني
 
 
 
 
شكراً على الغدر والاوجاع في ذاتي
وكل ما بحت من تجريح او اسررت
 
فرصه سعيده ولك خالص تحياتي
مشكور يا سيدي والله ما قصرت
© 2024 - موقع الشعر