ودعتك الله

ودعتك الله وانته ف ((الحشا ))موجود
وانته ((دوا)) القلب وأمانيه و((جراحه))
 
 
ودعتك الله ..... واللي راح ما بيعود
ما عاد لك شي في دنياه بصراحه
 
 
سولف للايام عن جرح ((العيون السود))
وكيف صارت بدون اسباب ذبّاحه
 
 
سولف للايام عن عصفورك ((الموعود))
وكيف طاوعت قلبك تكسر اجناحه
 
 
وكيف مات بغيابك ((حلمنا المولود))
ويا دوب ((شب الضلوع)) وهبّت رياحه
 
مسكين قلبي .. فرش دربه أمل وورود
وقبل يمشي دروبه .. ماتت افراحه
 
 
من عاش ضامي ودربه ف الهوى مسدود
لا يحسب ان ((السراب)) من الضما ((واحه))
 
 
ما للهوى حد وانته ف الهوى محدود
والقلب لو يخسرك ... خسرانك ارباحه
 
 
تعبت ... والروح منّك حيلها مهدود
ما شفتها يوم في دنياك مرتاحه
 
 
ودعتك الله يا نور ((الضحى)) الممدود
يا بدر ((ليلي)) ونجماته ومصباحه
 
ودعتك الله يا (( فردوسي المفقود ))
ودعتك الله ((واتمنّى لك الراحه ))
 
 
بقلم / زياد السنباني