مازين الرجال بعض الاسامي

لـ عيسى الشلوي، ، في غير مُحدد، آخر تحديث

مازين الرجال بعض الاسامي - عيسى الشلوي

مازين الرجال بعض الاسامي
مازين الرجال غير الفعايل

ولا يحشم اهل الطيب غير الحشامي
والا الردي يبحث وراهم خلايل

مني على روس الرجال السلامي
اللي يزينها حميد الخصايل

يرفع مجالسها رفاع المقامي
وتشهد بتبليغ الرسول الرسايل

رفيقهم في رفقهم ما يضامي
واللي غداله في يديهم عقايل

لا غاب عنهم عن جنابه تحامي
وان كان غابو سدهم بالدلايل

ياسعد عين اللي بضيقه حزامي
ميقافهم غيث المزون الهمايل

يفرض عليك آدابها الاحترامي
وضارين من عاداتهم بالجمايل

الطيب عند اهل الوفا ما يسامي
ويكلّف ضعوف ضرت بالهزايل

يرخي مقاصدها لعين الرسامي
وتضيع من لداتها بالقوايل

تراقب الغرات مثل الحرامي
وتشذّب العرقوب مثل الحلايل

ومن قارب الهيما يجيه الهيامي
زد قالها قبلي لسان المثايل

نزه جنابك يارفيع المقامي
تلقى الاصايل عند راع الاصايل

© 2024 - موقع الشعر