صرنا كل منا قاصيه تدعي على الذيبي

لـ عيسى الشلوي، ، في الحكمه والنصح، آخر تحديث

صرنا كل منا قاصيه تدعي على الذيبي - عيسى الشلوي

تركّد ياذكي يامتعض بالحي والاموات
بعد كثرة على الامه تكاليف ومطاليبي

بطل فالشات لكنك بامر ريموت هذا الشات
على نفسك خطاك انكان تحسب فعلك مصيبي

قتلتو نخوة اهل الطيب والشيمه هل الفزعات
وبكره لو تنادي فالخلا ما واحد يجيبي

ولا تنزع امان بقلب واثق في رجال ثقات
اذا انك تدرك البذره بعد بكره وش تجيبي

وهذا وقت فيه العقل طار بعالم السرعات
ورحنا في خبر كانا وربي يعلم الغيبي

ورحنا في طريق ابليس نتبع جرة الخطوات
وصرنا للخطايا من سوايانا معازيبي

حليل اللي يحسب ابليس لنه مايشوفه مات
وهو مايدري انه خاشره زاد ومشاريبي

ورحنا باوهن بيوتن ذكرها الله لنا مدات
ولو نحسب لقينا مالنا فيها مكاسيبي

ببيت العنكبوت اللي تعشش في عقول وذات
غدينا في منازلها نرحب بالاجانيبي

((فتنا لين راح المسلمين بهالزمان اشتات
وصرنا كل منا قاصيه تدعي على الذيبي))

© 2024 - موقع الشعر