روس الاسامي - تركي الديحاني

الساحه اللي تجيب الظغط والسكر
معاد يغري توهجها وطاريها

ياليتها تقفل البيبان وتسكر
حتى تكف الاوادم من بلاويها

البال من سبة اللي صار متعكر
بعض الاوادم تخلت عن مباديها

ياكاتب اكبر مجلة شعر متشكر
الحاجه اللي تجي بيديك مابيها

صعبه على واحدٍ شرواي يتنكر
بعض السوالف ربوعي ماتداينها

لا جيت ابرق وطالع زين وفكر
اشوف روس الاسامي جنب رجليها

وضحك على خاطري وعيد وتذكر
يومنها اصفى من الما في مساعيها

واليوم والله تجيب الظغط والسكر
والله يلعن توهجها وطاريها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر