مرثية الملك فهد - تركي الديحاني

ليتني ماعشت لليوم الشؤوم
ولا سمعت العلم واكبار الجلل

والله اني ماقدرت اقف واقوم
من سمعته كن صايبني شلل

يرحمك رب السموات الرحوم
يامليكٍ موته ايجيب العلل

ادري ان الموت حقٍ للعموم
مير موتك غل وفراقك غلل

انت تبكيك المشايخ والقروم
مابكاك النيص دوار الزلل

الجزيره جوها محزن كتوم
العرب ضاقت وصايبها كلل

تبكي رجال المواقف والعزوم
غيبتك سوت براضيينا خلل

خادم البيتين قضاي اللزوم
استلمها عش وخلاها فلل

مايفرق بين حاكم ومحكوم
ساوى بين الخمسميه والهلل

لو يفيد الدمع صرناله غيوم
انفجرنا والثرى صابه بلل

دنيةٍ تاخذك وتخلي الرخوم
عيشةٍ فيها يابو فيصل ملل!!

© 2024 - موقع الشعر