هياكل بس ترفعها الاسامي - راشد بالكندي

لصالح بن علي بندب سلامي
سلامي مع جزيلات إحترامي

سلام ٍ من خفى خافي الضمير
معطر دهن عود ومسك شامي

سلام ٍ ما تعبره الحروف
ومخصوص ٍ لكم زد الأنامي

ألا ياذا الخوي ياذا الرفيق
خويك عالمخوه بلتزامي

علامك بوعلي ما سلت عنا
ولا من صوبكم جانا سلامي

وانا صاحب ومحسوب ٍ عليك
كذا الحسنات ما تجزا بثامي

وانا بيني وبينك كل خير
وجسر الخير ليصيبه هدامي

ألومك بن عزيز لنك عزيز
ترى لوما المعزه ماتلامي

وانا يوم ٍ تذكرت الليال
ياللي مرت شرى طيف الحلامي

حزنت وقلت ياربي عساها
علينا تعاد زام ٍ بعد زامي

وقمت آنوح من زود الجروح
وناح ابصوت لي طير الحمامي

ليال ٍ ما لقيت إلها مثيل
قضيناها على ذروة سنامي

فياما واحد ٍ قبلي تحسف
وعانق صبعه الوسطى بهامي

ورجايه فالسنين المقبلات
عساها تجلي إسنين الظلامي

عساها ما تزيد الهم غم
وعلى لحرار متشيخ الرخامي

ومن مثلك لبيب ولا يخيب
فيه الظن يا نسل الكرامي

سليل إرجال من اعمام وخوال
حفيد أبطال هل خيل وحسامي

بني منصور إطوال الشبور
سراج النور في داج الظلامي

على حوض المنيه ياردون
ولا اتّصدر ركايبهم ظوامي

هل الطولات والعرض النزيه
بياض إوجيه ما فيهم خمامي

على قولت نعم يتسابقون
ولو من دونها طوفان طامي

هل الأخلاق ما فيهم نفاق
يعرفون الحلال إمن الحرامي

وهاذا ولا يصح ألا الصحيح
إذنك فاهم ٍ معنى كلامي

فلا تغتر في بعض الأوادم
هياكل بس ترفعها الأسامي

إذا دارت رحى حرب الزمان
تغطي روسها شروا النعامي

عساهم من على الدنيا عدام
بقدرت حامي البيت الحرامي

إلاه ٍ واحد ٍ ماله شريك
ولا دونه وزير ولا محامي

وصلوا عالنبي الهادي محمد
عدد ما هل مزن ٍ من غمامي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر