مجروحه الروح - سعيدبن يحيى الزهراني

أقبلت يالغالي لك القلب مفتوح
اقلط بجوف القلب واعلت غلاته

يامرحبا بالود لك قصر وصروح
ارقى بثوب الحسن دون التفاته

انا اشهد انه كالقمر حيل مملوح
محلا الحروف الخارجه من شفاته

مرسى الاسى تعرفه من غير مشروح
حلل رموزه واعرف اخر سواته

الماضي اللى فات ماكان ممدوح
فالقلب قلت القلب يأخوك هاته

كل المواجع والالم ذاك ممسوح
والحين شوف اشلون الملم شتاته

واحذر حذاري السر لايكون مفضوح
للقلب والطعنات جت من هواته

جاك الخبر من قلب ناصح لمنصوح
وش عاد باقي له ويلقى مماته

يا خوفي انك تذبح القلب وتروح
واخر امل له دام بأيدك حياته

بالله تشوفه مالزمن كيف مجروح
واكبر مناه بلمح الابصار فاته

ما ينفعه صمته ولا يشفي البوح
ثابت يجاهد لأجل يلقى نجاته

بأخر حروبه طاح بالرمح مطروح
مافر لكن كر وابدى قساته

دارت عليه الدائره واسمع النوح
باقي يكابر والمواقف شماته

واتعمد الترحال بالعج والفوح
يطوي طريق الهم سيفه عصاته

فإن كنت بتداويه فالقرب مسموح
ولا اقتله بأيدك وعجل وفاته

والحين يالغالي لك القلب مفتوح
اقلط وثوب الود محلا صفاته

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر