الوقت يبغى له بصر

يقول أبونشمي إن الوقت يبغى له بصر
وعزّه لذي لا أتحالقت بقعاء حنب ماهو بصير

الجيد مهما ضكته الأيام شبره ما قصر
والفسل مهما تخدمه الأيام في شبره قصير

ياكم فتى بالعقل والتدبير والصبر أنتصر
من بعد عقّاله ووكّاله لها خيرة نصير

اللي يريد العاليه ماهوب منها منقصر
واللي يريد الهافيه قد بايصلها له عصير

ماحد يقول البُر له قداهم لا هو له يصر
عاد الذرى في محقنه والله يعلم وش يصير

لا يخدعك شوفه ونوعه وكثره في الوصر
كم حق قد روّح على أصحابه وهم معهم بصير

ماقرّت الدنيا لأحد إلا ولازم تعتصر
والشاطر اللي يغتنم وقته قبل وقت الحصير

يومين ذا الدنيا وكم الأمثال فيها و الحصر
لك يوم والثاني لها من صِبْرها تشرب عصير

بايلحقك عصوارها لو كنت عامد في قصر
مثلك مثل ما ذاك ذي عازب بضانه في الحصير

مهما أغلست تبصر وبعد إغلاسها ذاك البصر
لكن تبا منك صبر ياذي تبا زين المصير