لمحة بصر - عامر بن نوطان

يا صاحبي كل ما مريت من ديره
لمحة بصر منك تنعشني وتحييني

حبك نزل منزل ما حل به غيره
لك فيه رسم ولك زول يباريني

حالي غدى مثل زرع اقطعت بيره
يبست عروقه بعد ما هو بساتيني

الحب والحزن شره غالب خيره
طربة نهار تعذبنا بها سنيني

نصحت قلبي بعد ما بان تأثيره
قال السبب منك وانت اللي موديني

كيف اتصرف بقلب ضاع تفكيره
هيهات جف القلم ما عاد يمديني

جسمي من الحزن كاثرة تعاثيره
لو صحت ما للندا حي يواسيني

© 2024 - موقع الشعر