صد وتنكّر

صدّ وتنكّر عقب ذيك الرفاقه
ياليتني عن رفقتي ذيك خيّرت

اتلا العهد به يوم قطع العلاقه
للغرب سيّر يوم للشرق سيّرت

قدمي طريق الخير واسع نطاقه
وليا تغيّر صاحبي ماتغيّرت

طلعت سالم لو شعرت بحماقه
مسّتني الطيره وانا ماتطيّرت

اللي علشانه كرهت الصداقه
إلا صداقة واحدٍ فيه نيّرت

ماعاد يحزني جفاه وفراقه
فرقاه عيد وعقبها ماتحيّرت

الله عطاني عقل فهم ولباقه
اليابغيت اختار صاحب تخيّرت