ابن ضرمان

الشعر من فيض والهاجوس جمه
والمشاعر ذكر ابو فيصل شعاها

مطلق ابو ثنين والافعال قمه
والعلوم الطيبه عنده نباها

شيخ قوماً والحميا وسط دمه
وكلمته من طيب مبداه احتماها

في زمان المصلحه ما باع ذمه
ما يطيع اهل المصالح في هواها

رايه براسه وغيره ما يهمه
عز نفسه من شجاعته اشتراها

ابو فيصل فاتح(ن) للهم كمه
ولا كبر هم القبيله ما نساها

ولا حتمى الموقف يرد العلم يمه
الصعاب تهون لامنه نواها

ايه ابن ضرمان والعليا مهمه
والقصايد في هل الطاله تباها

قالها اللي نومسه ذكر ابن عمه
شاعر(ن) قول الحقيقه ما كناها