طيب الصيت ( ابن فنيسان)

لـ ، ، في المدح والافتخار، آخر تحديث :

لا بغيت تفارق الهم والحيره
وضيقتن بالصدر تسلى وتنساها
وجه الموتر شمالا من الديره
خل عنك اهل الحما وفهق احماها
وان تيامن خل شويه محاديره
من وراها طاري البدو تلقاها
الذكر بالطيب حنا مداويره
عند ربعن طيب الذكر يشعاها
ذكر شيخن طيب الصيت والسيره
ساق كل المرجله والحق اقصاها
اخطلن بالجود يكرم مساييره
وقفت اهل الطيب بالطيب يقناها
فهيد بن فنيسان ما ينصى غيره
والرجال اتطيب من طيب مجناها
شفنا شوفه وشوفت مغاتيره
وضحه اللي نومس سبيع طرياها
في غلاها ما يحسب مخاسيره
ما ملك يرخصلها جعله افداها
ذكرها نومسه و اطرب جماهيره
ذود شيخن معظم البدو بدواها
سمعة النايف تغلي معاشيره
بالملايين البدو ما تغالاها
والفحل لا هاج تكثر طوابيره
عنده البدوان ما تلحق اسراها
كل بدوا المملكه تعرف بعيره
وبكرته كلن بذوده تمناها
اسال التاريخ و يجيك تقريره
عن جوايز نخبة الذود واحصاها
ام رقيبه تكد المجد والسيره
سيرةٍ كلن تعب ما تعداها
دون الاول حط للبدو تدقيره
كل راعي رغبةً راح ما رواها
رقم صعب وله مكانه وتقديره
بالعدد اربع نخب ماحدٍ جاها
احتكرها جعل تبطي مقاديره
اشهد انه نومس سبيع واطراها
لابةٍ أتدله الجار و تجيره
ذكرها في المجد تشهد به اعداها
كسبنا الطاله ولا فالحكي غيره
ولاوائل قسمنا قد ملكناها
خمسة الالوان ماهيب تزويره
ما خذوها مير حنا خذيناها
الشعل والصفر والوضح تذكيره
والحمر والمجهم ايضا جمعناها
كسبت الناموس ربعي صقاقيره
والقبايل حقها ما بخسناها
الكلام الصدق حنا شواعيره
والعلوم الكاذبه ما قصدناها
والكلام اختامه اصدق تعابيره
من هجوس ٍطيب الصيت ناداها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين